Historias do Pico Sacro.

 

Cerca de Vedra se atopa O Pico Sacro dominando  o Val do Ulla. Moita xente de alí pensa que é un monte máxico. Eu non sei si é certo ou non, pero o  que si sei é que  O Pico ten uns  buratos xigantes nas rochas, e a xente local pensaba que os mouros vivian alí . Eles eran  seres imaxinarios que tiñan poderes malignos sobre as persoas, por exemplo din os vellos que  cando non había luz,  a xente tiña que levantar os pés do chan, xa que os mouros podían arrastralo a súas covas.

Tamén contan que as ovellas cando iban pastar ao monte os pastores tiñan que ter coidado porque si caían nos buratos, os mouros as comían e só deixaban o esqueleto.

 A Raíña Lupa é unha personaxe que aparece no Códice, sitúan o seu pazo no cume do Pico Sacro e as súas terras nos arredores. A lenda conta como os portadores do corpo do Apóstolo pediron á Raíña Lupa un lugar para poder enterrar o corpo e esta os enviou ao Promontorium Nerium,( cabo fisterra )*, lugar do Ara Solis. O sacerdote deste templo apresou os discípulos pero grazas a un milagre puideron escapar polo ponte do Tambre destruíndose ao seu paso, deixando libres de novo os portadores do corpo.
   A raíña Lupa ofreceu a estes de novo un lugar onde pacían "bois mansos" que poderían trasladar o corpo que milagrosamente fora recuberto cun sepulcro de pedra. Non obstante neste lugar non había animais mansos, senón bois salvaxes e un fero dragón que atacou os discípulos. Estes co "Sinal da Cruz" fixeron que as feras se amansasen e lles axudasen no porte do Apóstolo. A Raíña Lupa, sorprendida, convertiuse ao cristianismo e ofreceu un lugar para o enterro de Santiago. Este non era máis que un mausoléo romano construído para a sepultura dunha sobriña da raíña e para ela mesma e que nun futuro daría paso ao Campus Stellae, lugar de aparición da tumba do Apóstolo.